رينـا مواقـف في الحيـاه عديــده
القينـا خبـر منـا الراس ايشيـــب
رينـا فراسة ناس جاسره وعنيــده
ورينـا نـذالة نـاس شــي غريــب
فيهم اللـي سـالك طـريق رشيـده 
عارف احــدود الشـرع بالترتيــب
وفيهم اللي سـالك ادروب شريـده
حقوق البشـر واكل اليـوم غصيـب
القينـا عرب فيهم اعزوم شديــده
والقينا عرب فالبخل شـى عجيــب
فيهم كريم ايجـود باللي في ايــده
وفيهم اللي يقـصر علي الترحيــب
فيهــم اللــي جـلاي كل نكــــيده
وفيهم اللي اصـل النكـاد ايجيـــب
فيهم اللـي ما ايهـاب كـل نقيــده
ولا ايهابشـي قـولة افلان عطيــب
فيهم اللـي موقف صغـير ايكيــده
وفيهم اللي بوعقل اتقول طبيـــب
فيهم امين ومـا الضـلال ايجيـــده
وفيهـم اللـي خـاين وزاد غضــيب
جايـب كــلام ومـا نريد انزيــــده
وعارفه يطـول شرح هالشطيـــب
يارب يا عــالم ابحــال عبيــــــده
ارحـمنا نهار العـرض م التعذيـــب