بتشد وترخى وبدادى لسه يا هادى 
متعشم فى طحين النمله
ماشى جنب الحيط يا اهبل يا عبيط عامل عامله
وبتحلم بيها ف أحلامك حضناك م الخوف 
وانت الملهوف 
بطبطب وتقولك مالك 
مستنى الحلوه تحن عليك
فاتحه الشبابيك علشان معاليك
روح نام واتغطى وشد لحلف
يمكن تشبع من عيشها الحاف 
ولحافك وهم ف عز البرد 
لحاف شفاف 
هاتعيش متعوس
برضوا يا موكوس
لساها تدوس
وبتكسر وتذل ف نفسك
دى عروسه ومهرها غالى عليك
مستنى النمله اللى هتحلب
وتصب حبيبها ف جوف معاليك
لا فوق م الحلم اللى حلمته
واحمد ربك إن أنت ملكت مكان رجليك
يا عريس وعروسته عليه عاصيه
حلفت ما هتلمس رمش العين
واقف مسكين 
بتسد ف دين مأخدتوش اصلا ولا شفته
مع انك محسوب من ناسها 
اه يا حلوه أستخسرتى الفكه 
غيرى يلعب واخد حقه وعاش
وانا قاعد لسه على الدكه 
انا صبري خلاص ضايع منى
مستنى واقف لك على تكه