بوابة العرب اليوم
**** قبل ما يضيع كبريائى ****
يا حبيبتى مش هخبى او هدارى
بعدى عنك كان بإيدى وباختيارى
مهما كان شوقى ليكى لهفة ونار
كبريائى انى ابعد عن حياتك
لما الاقى قلبك مال لغيرى
واما اسمع كلمة بحبك
طالعه منك بتقوليها لحد تانى
يا حبيبتى .. يا حياتى
قُربى منك فيه هوانى
قربى نار فيها احتضارى
ما كنتش اتصور فى يوم
انى اضعف لحظة واحبك
واحنلك واشتاق لحضنك
واعرف أنك مش نصيبى
ودموعى على خدى نار
من غيرتى عليك وادارى
وتصعب عليا روحى
وضعفى قدامك كوانى
غصب عنى لما شوفتك
قلبى اتعلق بيكى وحبك
شفت فى عينيكى الامانى
وبين ايديكى دُنيتى وكل احلامى
شُفت روحى ساكنه روحك
كنت بسمع كل ليلة صدى صوتك
بيقول بحبك كل لحظة وثوانى
حتى طيفك ما بيفارقنى
دايماً فى منامى حاضنى
جيت مسلم قلبى ليكى
حتى روحى بين ايديكى
نسيت نفسى نسيت جروحى
غصب عنى قلبى حبك
ولا فى يوم حس قلبك
خوفت احكيلك واقولك
خوفت يكون حبى انانى
رغم بعدك اللى كوانى
قولت ابعد عنك وأهرب
قبل ما يضيع كبريائى
وقبل ما تفرقنا الليالى
جيت اودع فيك روحى
جيت اقولك انى بحبك
وانتى عمرى وانتى حياتى
رغم حبك مش عشانى
ومش هيصعب عليا قلبى
مهما تألمنى جروحى
مش هيصعب عليا حالى
لما اهرب منك وابعد
وفى غيابك ليل نهار
هتفضلى انتى حبيبتى
جوه قلبى كل نبضى
رغم انك مش نصيبى
واعيش واموت احبك
بس ناوى ع الرحيل
وانى اخرج من حياتك
رغم انك حبى الوحيد
وسر وجودى وحياتى
لازم اهرب لازم ابعد
واعيش وحدى فى نارى
واتحمل فراقنا وعذابى
قبل ما يضيع كبريائى
