بوابة العرب اليوم
تيجي نتفق اتفاق ..
تبقي حب بدون فراق
تبقي “صاحب” وتبقي “أخ”
تبقي “فرحه” ف وقت هم
تبقي ساكن جوه روحي
وابقي حافظاك يعني صم
ابقي “جنه” وتبقي “أرض”
تبقي “حضن” ف ليله برد
تبقي وقت الحزن “ايد”
طبطبت لما اشتكيت
تبقي جنبي لو بكيت
تبقي بيت ..
تبقي “عزوه” و “ناس” و “أهل”
تبقي “قلب” و “روح” و “عقل”
تبقي مش حد ف حياتي ..
تبقي كل حياتي انت
تبقي “أبويا” وتبقي “ابنى”
تبقي “طفلى” ف الجنان
تبقي وقت ما اخاف “أمان”
تبقي كائن واتخلقلي ..
من دلعي يذيدك حنان
تبقي اول كل حاجه
بفتكرها ف كل يوم
تبقي “حلمي” ف وقت نومي
و “الحقيقه” لما اقوم
تبقي اول حد اروحله
لو لقتني ف يوم تعبت
لما تبقي “راجل” ب آلف حب
وابقي دنيا ف شكل “بنت”
تبقي “حب” لما اقابله
صعب افرط لحظه فيه
قولت ايه ؟
