بوابة العرب اليوم
شفت القمر في سماء الدنيا زها نوره
ويوم شفته ذكرتك يا بهي النور
ذكرت عمري بقربك كيف تسطوره
وكيف كان الغلا في دنيتك محصور
ذكرت حكمك على قلبي ودستوره
وأيام عمري معك يا عالي المقدور
ذكرت كلماتي اللي فيك مجروره
وشعري اللي على بيض الورق منثور
وأحلام بانت بعيني شبه مكسوره
وآمال قلبي على ذكرانها مجبور
يا غايت القلب يا طبه ودكتوره
ارفق بحال المعنى خاطره مكسور
يكفيه ذكرى تحمل منها جوره
وأيام ما عاد فيها طاريه مذكور
ارفق بحاله وخل النفس مسروره
يا ذكريات الزمان الماضي المدثور
