بوابة العرب اليوم
فى أطار اهتمام الواقع الحالى بعمل مناظرات خاصة لتسليط الضوء على المبدعين والموهوبين خاصة بالمجال الفنى الذى يشكل جزءًا معبرًا عن كافة تفاصيله دون الاحتياج إلى كلمات تفسره فعلى نحو ذلك ألتقت البوابة بالطالبة الرسامة المبدعة ندى خليل التى تميزت رغم عدم دراستها لمجال الفنون الجمبلة بتفاعلها مع مجال الرسم وتقديم أقيم اللوحات التى نالت أعجاب الكثيرين فقد التمست الواقعية من خلال تقديمها لتلك الفن وتحدث لنا عن دور عائلتها فى تحفيزها وبدأيتها مع تلك الفن من خلالهما .
س1/ فى البداية نود ان نتعرف من انتى للقارى ؟
انا ندي محمد خليل أبلغ من العمر 21 سنه من مواليد محافظة القاهره أدرس حاليًا بكليه التجاره جامعه عين شمس ولكننى لم أعشق تلك المجال كما ينبغى ولكننى على الرغم من ذللك أمتلك هواية الرسم والتصوير وابتكاره بكافة الأشكال التى تلائم العصر الحالى وأحاول من خلال تلك الهواية التعبير عن شخصيتى الحقيقة البعيدة عن المجال العملى الوظيفى فانا طموحة جدًا بهذا المجال .
س2/ متى اكتشفتى بأنك تمتلكى موهبة كمثل تلك الموهبة وكيف كانت بطفولتك ؟
لم يكن أمراً اختيارياً، لطالما كانت تشدني كثيراً الملامح البشرية، فبدأت بالتركيز عليها، دون شعور مني، حتى انتبهت لهذه الموهبة الفطرية فكنت دائمًا منذ طفولتى كتيرًا اشعر بالسعادة عن الأمساك بالورقه والأتجاة إلى للرسم ففى البداية عشقت أن ارسم بأبى وأمى أكثر من ألف مره كذلك كنت بحب الشخطبة جدًا أخرج أى حاجة كانت بتلفت نظرى بطريقة سريعة وأوقات كانت بخيالى وانا صغيره بحب الرسم اوي .غرزها الله في قلبي واصبحت جزء من جسدي لا استطيع الاستغناء عنها لانها هي التي تشعرني بالسعادة عندما امارسها وتجعلني في قمة الراحة وتأخذني في عالم الخيال عالم جميل مليء بالالوان الزاهية والصور الجميلة هوايه كنت برسم كل فتره بس موضوع الرسم الفعلى كانت في الثانويه العامة فى المرحلة دى بدأت الرسم فعلاً وقررت أرسم حاجات حقيقه يعني رسم واقعي مش مجرد رسمه من سنتين يعني اقدر اقول انى بطريقة قوية من سنتين .
س3/ ندرك جيدًا بأن دراستك تجارية فما هو الرابط بين الرسم والتجارة الأ يوجد تناقض بين الاثنين ؟
لا يوجد أى علاقه بين المجالين فعندما كنت بالمرحلة الثانوية كنت دئما أبحث واتقصى للدراسة بكلية الفنون الجميلة ودخلت قدرات فنون جميله وتربيه فنيه نجحت فيهم الحمدالله ولكن التنسيق اوقف في فنون جميله لكن تربيه فنيه جابت بس مجموعي اعلي بكتير اهلي اقترحوا عليا اخش تجاره ولما اخلص اعمل الي انا عايزاه عشان تجاره مستقبلها احسن ! فقررت اخش تجاره بطلت فكره الرسم في دماغي لكن في سنه ثالته مقدرتش حسيت اني عايزه ارجع ارسم تاني
س4/ كيف تستطعين التوفيق بين المحتوى الدراسى والمحتوى الأبداعى فذلك يطلب منك مجهودًا كبيرًا لإخراجة بهذا الشكل ؟
بالطبع أحاول التوفيق بينهم بطريقه صعبه فعند أقدام لحظات مراجعة المحتوى الدراسى فجأة استشعر الرغبة الدائمة بعدم مقاومة الرسم لحظتها أترك ما بيدى وابدأ بعملية الرسم والأبداع ولكن ببعض اللحظات الوم نفسى وأشعر حينها بترك الموهبة قليلاً اذاكر فبذاكر ولكن بأوقات الرسم حين أقرر ارسم لازم ارسم و أحاول اظهر طاقتي بكل ما تحويه في الرسم لان الوقت يعنى بالنسبة لى الكثير ولا اضيعه في رسم اى شىء فحينما يدرك الأنسان قيمة الهدف سيدرك لحظتها التوفيق بين الهواية والدراسة
س5 / هل ترين من خلال تقديم رسمتك انها عملت على لافت انظار الأخرين ولا بتبدعى حسب رغبتك ؟
فى البداية كنت برسم علي حسب الفكره حاجه عجبتني رسمتها برسم لنفسي لكن فكرت انزل من خلال مواقع التواصل الأجتماعى (الفيس- تويتر – انستجرام) وهكذا وبصراحة استقبلت أراء كتير لفتت نظري ما بين ايجابي وسلبي ايجابي كان بيحفزني على الأستمرار واتشجع واستمر وسلبي احاول اصحح من رسوماتي حتى لا أكرر تلك الأخطاء لفت نظرى ان فيه ناس بتنتظر رسوماتي وبتحفزنى ارائهم لكن في غالبا انا لما بقرر ارسم بقرر ارسم حاجه عجبتني أو فكره شغلت تفكيرى او رغبه في الرسم
س6 / هل ترين بأن الرسمة تشبة الكتاب المفتوح لمشاهديه ؟
غالبا لأن بأغلب رسوماتي عباره عن فكره بيعبر عن حاله معينه رسومات من غير شرح بيفهموه ورسومات بشرح بيصدموا بيفتكروه حاجه تانيه ورسومات مش بحب أكتب شرح عليه عشان بيبقي الرسمه كل واحد وتفكيره ونياته ومعناه اأية واغلب رسوماتي غامضه وكئيبه تقريبا علي راي اصدقائي بالرغم عكس شخصيتي فاانا مرحه ومجنونه مع اصدقائي لكن في الرسم عكس ذلك
س7/ هل تختارى عناوين لرسوماتك وهل يشاركك احد بفكرة الرسمة وكيف يمثل لك أرض الواقع عبرته عنة من خلالة رسمتك ؟
اها دائمًا اختار عناوين لكن يشاركني احد بفكره لا لان افكاري غالبا ماحدش بيفهمها اوي عشان كل واحد ودماغه فكرته يمثل ارض الواقع رسوماتي رسومات كرسمه خياليه لكن فكرتها واقعيه انا بحب الخيال جدا بس بربط الواقع بالخيال بطريقه مختلفه اكتر واقع عبرت في رسمتي رسمه بسيطه عن امراه علي راسها العالم انها شايله هم كل العالم الام الاخت الزوجه شايله هم كل الي حواليها حاليا رسمه نص امراه ونص مدينه
س8/ كيف تشعرين عندما ترسمين ؟
انا برسم فكل حالاتى وبكل أوقاتى أوقات فرحتى غالبًا أصحابى بيقولوًا لما بتتخنقي بترسمي لا انا في كل حالاتي برسم بحس وانا برسم انى كنت بمتلك طاقة وأتفرغت من خلال الرسومات والدتى ديمًا بتراقبني وبتقارن وانا برسم لو راسمه حاجه كئيبه بعمل ديمًا تعبيرات حزينه لو غضب مؤلم تعبيرات وجه مليئه بالغضب والضحك وهكذا فعندما اقوم بعملية الرسم دة بيكون الرسم نابع من مشاعرى وافكارى وليست بأيدى تتحرك من ريشة الرسمة فقط .
س9/ ما هى أقرب رسوماتك بالنسبة لكى وما هى قصتها ؟
رسمه المشوش قصتها عنده انفصام مشوش … صراع بينك وبين نفسك .. تايه .. مكسور .. جواك زحمه كلام كتير عايز تخرج نفسك من نفسك نصرخ نهرب مافيش أمل … ودا يعتبر حال الجيل حاليًا جيل بيحمل الهم بدري ّ.
س10/ من أعمالك الفنية رأينا أن ما يميزها هو اختيارك الموفق فكيف يتم رسم تعبير الوجوه بشكل لافت ومبهر؟ وهل تتعمدي هذا أم هذه طريقتك في الرسم بشكل عام؟
لن أحب أن ارسم مجرد رسومات تملء رسوماتى ليست مجرد اي بورتيهات بحب ارسم حاجه مميزه فيها مختلفه ملفته تجذبني في الرسم واتشجع واتحفز انها اجازف واقدمها وأتعمد رسمتها بالقلم ، لأننى أرى فى حيره الثبات والخلود وهكذا أرسم كل شخص له موقف أو أثر انسانى .
س11/ كيف قمتي بتنمية موهبتك؟ وهل من الممكن لشخص لا يجيد الرسم أن يتقنه بالتعلم ويصل لمستوى الاحتراف؟
من علي النت كنت ديمًا بتابع رسومات فنانين علي النت كل واحد ليهم تخصص في حاجه معينه كنت بحب اجرب كل حاجه واسال عن كل حاجه كل شويه أدخل عندهم وأسال ازاي فيه ناس كويسه جدا ساعدني وجاوبت علي اسئلتي وفيه الي طنش بس يعني الحمدالله اتطورت اعتقد ان موهبه بيفيد في جزء حبك للرسم واستمرار فيه هوا ممكن اي حد يقتنه بس الي عنده موهبه هيبقي سريع التعلم لان الرسم دا هوايه حب مش مجرد كلمه رسم بس مافيش مستحيل الي عايز يوصل لحاجه هيعملها
س12/ كيف تستلهمي أفكارك؟ وأي الأوقات تفضليها للرسم ؟
بشوف حاجه ملفته عجبتني مميزه ارسمها اشوف حاجه واقعيه اربطها بالخيال تبقي رسم خيال لكن فهم واقعي بمجرد ماتحط قلم علي الورقه هتلاقي صعوبه عشان مش محدد نقطه في دماغك لكن لو حددت بالضبط ايه المشكله او الفكره هتعملي انا اي وقت ارسم بس وقت الهدوء ولوحدي اكتر وقت احب ارسم فيه هل شاركتِ في معارض أو تلقيتي عروض او غيرها؟ لا خالص ماشاركتش لسه بس مسيري هوصل يافؤش لسه لما احترف تماما واوصل لاعلي درجات الرسم هعمل معرض بنفشي باأذن الله بتشجيعكوا ..
س13/ هل هناك شخصية ابكتك أو اضحتك لحظة رسمتها ؟
رسمه قديمه اول رسمه ارسمها بالكئابه دي كانت عباره عن صراخ رسمه تعبيرات وشها وانا برسمها بعمل زيها فعيطت لاني ساعتها كنت حاسه بالرسمه اوي لكن رسمه ضحكتني نادرًا …
س14/ نصيحتك للشباب عموماً وللرسامين المبتدئين خاصة ؟
ارسموا ماتزهقوش وحاولي تتعلموا كل حاجه مش تخصصوا في حاجه واحده الي بيحب الرسم فعلا هيبقي عايز يجرب كل حاجه ليها علاقه بالرسم بالاستمرار والتدريب
هتوصل مش من اول مره لازم تتعب عشان تعبك يطلع بنتيجه كويسه ماتستعجلش مش لازم الرسمه تخلص في يومها اول رسمه جرب ترسم ماتخافش تقةل لا صعبه ارسم حاجه نقطه ضعفك عشان تتحسن فيها وماتهربش منها .
س15/ كلمة أخيرة تودين ختام الحوار بها ؟
عايزه اقول للناس مهما حصل ماتبطلش حلمك مهما وقعت ولا حصلك احباط اقف وكمل تاني زي قصتي لما دخلت قدرات فنون جميله نجحت لكن التنسيق مينفعش بطلت الرسم فتره بس معرفتش ابطله للابد لان اكتشفت ان دا حياه زي اكسجين كدا دخلت تجاره برسم مالهاش علاقه بالرسم بس بحلم إني اعلم واتعلم طول حياتي الرسم وطبعا الرسم من اقل اهتمامًا في البلد ماتدورش علي الناس ولا مستقبل هيحصل ايه دور علي نفسك انت بتحب دا #بجب_اعمل_دا لما الناس تيجي تسالك يابني يابنتي كبري دماغك تضيع وقت قولهم #بحب_اعمل_دا #ماتبطلش الموهبه الي عندك مهما كان ظروفك مابتطلش الحاجه الي بتحبها
