بوابة العرب اليوم
أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني
أبي أشكي أبي احكي ابي اوصف للبشر حرمان
أبيهم كلهم يدرون أبيهم يشعروا فيني
أبي لا من طرى اسمي من بكى لوعتي شيبان
أبي لامن طرى “عاشقة” ذكر من كان يغليني
أبيهم يذكرون أني صرت بدمعتي غرقانه
أبيهم يعرفون الهم هو اللي صار يخاويني
أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني
أبي اترك لهم قصة وأخيّرهم على العنوان
يسمّوا “حزن “يحطوا “دمع” ..ما عاد يعنيني
أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني
—-
