بوابة العرب اليوم
ياصاحبي والموت هجر المواعيد ،،، والشوق ناقوس الهوى والمحبة … غنت طيور الوصل فيك الاناشيد ،،، والدمع من زود البكا شق دربه … لاتحسبن اللي جرفني دلع غيد ،،، وماهو بانا اللي تسرق الغيد قلبه … لكن عجزت القى شبيهك على البيد ،،، لو كل وضحى في حلاك تتشبه … فارق حسن ويكمل الحسن ويزيد ،،، حسنك حيا يضفي على الحسن حبه..
تبعدك عن عيني جبال وجلاميد ،،، ومابه مكان معين امر قربه …
غيري يصبره اللقا تالي العيد ،،، وغيري يراسل حالته مستتبه … وغيري مبدل صاحبه واحد جديد ،،، وغيري قفل باب العشق والمحبه … والا انا حطة يدك يااتلع الجيد ،،،
كن بخفوقي لاذكرتك منبه …
يدق وتصحى فالحناجر تناهيد ،،، وامر وسط الناس مثل المشبه … والعين ماتشكي انقطاع المواريد ،،، والحلق ماخلا عذر او عتب به … والراس من زود الفكر جايب العيد ،،، اسقط على الرجال واقول .. وشبه ؟
