بوابة العرب اليوم
قلبي عاتبنى …
لما عينى راحت علي قصيدة ليك كتبتها
فيها مشاعر صادقه من حبي فيك وهبتها
فرت من عينى دمعه أوام مسحتها
خفت لا قلبي يحس بيها وبحزنها
بس قلبي دق دقه مش عاديه
بدوا يقولي عيونك هى اللي حسه بيه
موجوعه وساكت وبوجعتى انا هاكتمه
هو الكﻻم هيفيد دأنا بالكلام بتألمه
حقك عليه لو عيونك شافت كلامك
مانتى اللي طول الوقت حطاه قدامك
بتتعذبي بسكوت واحنا اللي حسينك
سيبك تعالي هنا داحنا اللي محتاجينك
شيلي صورتة من قدام عنيكى وغمضى
هيفيد بايه كتر البكا وهو قلبه ليكى فاضى
كفايه حزنك دأنا أتوجعت بعد ما كنت بيه راضى
شوفت معاكى أيام مكان عليكى قاضى
كل قصيدة بتكتبيها كنتى فيها بتدمعى
كنت أحس بيها وأقول يارب بيه ماتسمعى
كنتي بتبكي مع كل حرف ليه بتكتبى
هو حاسس بيكي وﻻ ف خيالك بتكذبى
حروف كتير وسطور طويله بتسجلى
عشتى حياتك في الخيال وبتحلمى
حب وغرام والله حرام تتوهمى
وانا اللي عايش سنين معاكى انتى بتتالمى
رديت وقولت خﻻص باقلبي حقك عليه انا باعتذر
بس الحقيقه انت اللي كانت فيه بتفكر
ولكل مره أرجع وأقولك خالي بالك أفتكر
ظلمك كتير لما قلبه باعك وليك هجر
خدك معاه لحياه جميله وﻻ فكرت
أصل الحقيقه حبيته يا قلبي وانا ليك قولت
ومشيت معاه واديك رجعت تانى به اتكسرت
ياريت ياقلبي عينيه مابكت علي القصيده ولا أنت ليه ف يوم عاتبت
