بوابة العرب اليوم
اريد اعتب عتب ع الفات والراح
وينوح اعذرني بس الوجع بينه
من بلغك ربك ع الغرك ذاك
او من كلك تسويلك سفينه
حقك وعترف ادري الله وصاك
بس كون البشر ممصعدينه
الحروب تمر علينه وتاخذ ارواح
او لاجل عين الوطن كلنه افتدينه
او من صار الحرب وتطوعت الناس
ركضنه اعله الرصاص استشهدينه
حصتي من الوطن لو موت لو جوع
او ناسك ياوطن دتأذي بينه
سياستنه او حكمنه او دولة الجار
هذوله تامر كلهم علينه
فريسه او حاوطتهه سباع وذياب
وحاروا بالاكل ومن يبدي بينا
تفاجئنا بعمرنا وبالمواليد
كبرنا بسرعة لكن مادرينا
كلبنه بصورنا وشفنة الايام
سود بسود ابيض مالكينا
واذا نضحك تسير يمنه الدموع
وعلى دموع الفرح يحزن بچینا
كالولي انتهت والفرح على الباب
بعد ماكو حزن وعيد اشترينا
شو ماكو فرح والعيد هم شال
طلع نيسان ديچذب علينه
