بوابة العرب اليوم
الطيب في حسن المواقف بساله
يعطيك من بعد الكرامه حشيمه
صيت الكفو منوال هو راس ماله
مكسب من غالي الجواهر غنيمه
من الطيب والحسنى تحقق اماله
والنفس حازت مابين ربعه عزيمه
جاه الشهم من ارث عمه وخاله
ربي عطاه الخير وزاود نعيمه
وذكراه زاود على حسنه وجماله
والكرم ملقى في الكفوف الكريمه
تجنب انفوس اللي خذتها الجهاله
من هرج مثل النار تشعل ضريمه
احرس من المغتاب ومنقل اقواله
بعض الهرج لاصار جاب الجريمه
احياناً في الصمت ابلغ رساله
دام الحكي ماعاد له اي قيمه
هذا الزمان اليوم وهذا احواله
صار الوفا والصدق موضه قديمه
