بوابة العرب اليوم
عاني أتاني قايل افلان قد قال
وأنازعلت وجيتك اليوم سيده
هذا كلامه!! لاتقل شخص نقال
وأنته غلاك بداخل القلب زيده
ومثلك ترى عندي بمليون رجال
وهروجه اللي قالها وش تفيده
وشعل بقلبي نار ياضيقة الحال
والهرج يطلع من لساني شريده
ومن بعد تبرير ومحاليف ودلال
شال الكلام وراح بسمي يزيده
شخص زرع ما بيننا غل وغلال
يقطع حبال الود …الله يبيده
هذا مثال إحذر من القيل والقال
كانك تبي حب وحياة سعيده
لو تسمع اللي قيل عنك وينقال
والله تعيش العمر هم ونكيده
ياساعيا بالقول ما عندك أشغال
تشغل بها عمرك بما تستفيده !!
الله ستر عيبي وذنبي والأفعال
والله رزقني حب ناس فريده
صفحتك تملائها على كل الاحوال
مالي ومالك كل عبد برصيده !!
