بوابة العرب اليوم
انتي حلوة
حتي و انتي ف اكتئابك
او زعل علي حد سابك
حتي و انتي قافلة بابك
ومن المشاكل محبطة
انتي حلوة .. حتي لما
بتبقي نايمة معيطة
حلوة حتي ف عز ضعفك
مهما خوفك برضة زاد
انتي حلوة حتي لو ..
تحت عينك في سواد
م السهر و من البكاء
انتي حلوة مهما يحصل
رغم حزنك أو مشاكلك
انتي حلوة ف كل حالة
مهما كان وصفك و شكلك
حلوة حتي و انتي قادرة
تضحكي و دمعة ف عنيكي
حلوة حتي و انتي لابسة
لبس مش لايق عليكي
انتي حلوة ..
مهما كان وصفك واسمك
مهما كان لونك وجسمك
لو رفعتي او تخنتي
لو بكيتي او ضحكتي
انتي حلوة مهما كنتي
انتي حلوة زي ماانتي
