مدري شبيهه روحي تعلقت بيك 
رغم عندي أصدقاء بصفحتي شكد
يعلقولي وعمر صار الهم وياي 
ومحبتنه البعضنه تعدت الحد 
ولكن من اشوفن منك إعجاب 
مدري شبيهه روحي وياك تنشد 
اجيلك خاص بس تردني لخلاق 
أخاف احجي ويجيني يفشل الرد 
عشت محتار بين السكته والاووف 
حرت امسح صفحتك امسح الخد 
ترفض حبي الك لو تنطي تأكيد 
بقت يمك تفتحه الباب ينسد 
ثوب الحب يلبس كل الأعمار 
ابد ما كال لحد عمرك شكد 
وفرقي وياك يمكن جان الإحساس 
واحد يحترك والثاني يبرد