بوابة العرب اليوم
الشهم ما يشتكي ولا قال مصدوم
لامال عليه الوقت مامال ودنى
اليا خالفه الحظ ما قال مذموم
والياتعسرت الأحوال تحَمَّدْعالهنى
لا. الصيت دايم ولا العمر بيدوم
حتى ملاك الموت بيطوله الفنى
العمر مجرى وقت يوم بعد يوم
ما ينفعك في القبر جاهك والغنى
ما ينحني شهم عن الردى محشوم
ولا ينهدم وطن على الدم انبنى
ولا يذل الشهم هواجيس وهموم
شامخ شموخ النخل ثابت مانحنى
حامل شهاده في الكرم دبلوم
ورسالة ماجستير في طيب الثنى
عيش حياة اليوم وابعد عن اللوم
والعمر لاتقضيه على حلم ومُنى
اللي يزرع خير على الخير مكروم
واللي يزرع شر من شره جنى
