بوابة العرب اليوم
كلبك مــنكســـر لمن بعتني ؟!
شلت سنين حزنك بين العيون
وانت بكم شهر ..
ماشلت حزني !
صبرت اني وكلت دمعاتي تهون
ومن جيتك لكيتك فاركتني
شيفيد الدمع لو زخته اعيون
وانته بعينك الصلفه تركتني
لتكول الزمن غدار ويخون
زمانك ماغدر وانته غدرتني
امسح كلشي ..
ضل بالماضي مسجون
وامسح ذكرياتي الصبرتني
مثل مابيدك الوكحه امسحتني
مو كتلي الامان بجنبك يكون ؟
بأمانك ليش غفله وضيعتني
لجلك حاربت كل اهلي والكون
كلت ماريد غيرك يل عفتني
مايحتاج اعاتب واطلب العون
منك وانته بيدك عذبتني ..
ولا يحتاج اكلك طبعك تخون
تعرف نفسك انته شكد خنتني
حبيتك صدك حب طفل مجنون
و انطيتك حياتي وموتــــتني
