بوابة العرب اليوم
كثرت فغيابك لكن..هني وصحوح
ياللي مغرقني ولا فيك. مينا
الد بعيوني على السيف .وانوح
وموج الجفا يحرق ولا عاد رينا
حني كلي تارس قلبي جروح
وصح انك .اللي في هواه ابتلينا
لكني احبك محبه من الروح
حب العرب في مصر لتراب سينا
قلبي من همومه وطاريك.مذبوح
وانا وعيني من فراقك بكينا
لاصار حبك جرهدي قيض وسيوح
مابه رواه.. فذمتي لا ضمينا
اصد بدموعي من الناس لا ابوح
بس الدموع تبوح . لو ما حكينا
ياقلبك البارد. ترى قلبي يفوح
ولو ان قلبك فاح..ماارخصت فينا
وش حدك لهجرن. على غير مصلوح
ما ذا بجزانا عقب ما احنا وفينا
عج الغياب ..بوجه الامال مكثوح
والبعد يذبح شوقناا…….مادرينا
ترى الهوى اخذا وعطا يامنى الروح
يازبني….الله وش خذيت وخذينا
لا اخطيت ثم جيت اعتذر قول مسموح
حنا بشر لولا العذر ….ما خطينا
مهوب تزعل كل ماضقت وتروح
وتهدم بلحظات الغضب ما بنينا
كانه غلا ياعزتي لي من الصوح
وكانه غلا فديتنا كلبينا
نذرن علي ماعاد في خاطري بوح
الا عسى ربي عليك…. يهدينا
باب العواذل لا تخليه مفتوح
ودرب المفارق لا تحده علينا
اجرح خفوقي لين ماتشبع جروح
وانا وقلبي في عذابك ..رضينا
