بوابة العرب اليوم
وين المحبه وانت من والعتني
ذبحت قلبي يرحم الله والديك
ليتك قبل قفايتك نعتني
يمكن ترد القلب شيمه واحتميك
انا اشهد انك بالحفى روعتني
ويلك من الله كثر مدعي عليك
عجزت وانا اصيح ماسمعتني
تصدعت جدران روحن تحتريك
تدري متى بقول لك فجعتني
لا صرت تحرمني الوصل وانت بيديك
ودعتني تكذب ولا ودعتني
وانا ادري ان اخباري في بعدي تجيك
حتى لوانك بالغياب اوجعتني
عيى الضمى يروي سوى من راحتيك
لو كنت تهتم بوفاي وتعتني
ماكان موت الحب من جرحك وشيك
اكذب عليك ان قلت ما ضيعتني
وامزح معك ان قالت لك مااموت فيك
انا شريت رضاك لكن بعتني
خليتني ماابيك وانا اللي ابيك
قد قلت لك خل الجفى ماطعتني
حسبي على لاعاتي وحسبي عليك
