اغار عليك من كلبي والعيون لذلك اني حاير وين اشيلك.

 اغار عليك من كلبي والعيون لذلك اني حاير وين اشيلك. 

وحقي من ما اجيلك اني معذور اخاف عليك مني وما اجيلك .. 

دخيلك ربي من الموت ما اصيح من زعلك صحت ربي دخيلك.. 

تتگلب علي بس ما ابدلك ابدلك بيش بس انت بديلك.. 

تتباهة بجمالك انت معذور على الاجيال بيك اتباهة جيلك.. 

عليل بحبك انه وحيل مرتاح لا كامو يسموني عليلك.. 

واذا مرات افكر اشتكي عليك اجيك اركاض من عندي اشتكيلك.. مو احلاهم انت بس دخت بيك همه الاحلى بس محد حلالي..  

وحب من طرف واحد حبي وياك واكول للناس بس حبك مثالي.. 

ولحد الان بس انت اقتنع بيك ولحد الان بس انت اعله بالي.. 

اذا يحجون ما اسمع شيحجون واذا تسكت اسمعنك يا غالي..  

شرجي وتخنك الريه واشم بيك واكول للريه يا معودة شمالي.. 

واذا تاكل بگلبي وما اخليك احس مقصر ومدري شجرالي.. 

عليك ابجي وعلي تضحك وازكيك واكول شكد حنين شگد بجالي.. 

اكلك غالي واتغلس واحاجيك تلبسني واكلهم گلي غالي..  

احبك غير احبك غير اداريك غير انت الذي اتبهذلي حالي  

وما ترهملي بس تفصال احس بيك.

ومر تكتل واضوگك حلو اشمحلاك..   

اغمض عيني امغمضة وتصد ليك افك عيني على غيرك انت الكاك. 

هله ابجيتك اصيح وانت ما جاي وقشمرني واكوم اتشابك وياك. 

بدونك عندي حتة العيد مو عيد وبعاشور جنة العيد ملكاك. 

تسواهم وتسوة الراح والجاي وتسوة الكلشي انت وحته تسواني و تسوه الحچه وياك