بوابة العرب اليوم
لو كنت مثلي دايمآ راعي الجميل
ما كنت رافض في الهوا تمضي معي
ولو كان حبك لي نقي كان الدليل
واضح بعيني قبل منته تدعي
لاكن حسافه يا دوا القلب العليل
حبك ظهر لي عكس ما انته مدعي
طلعت فيني هاوي الشعر الجزيل
معجب بشعري لا تقلي مولعي
وانا الذي فكرت بنك لي خليل
واثار حبك وهم قارب مسمعي
خيبت ضني في الهوا وانا قتيل
حبك وحبك يا حبيبي مطمعي
يا قلبي احزن ف الحزن ماله بديل
ويا عين من قهر اقرب الناس ادمعي
ويا روحي انسي توئمك والله وكيل
ويا نفس توبي من غرامه وقنعي
ما ودي اتوهم بحبن مستحيل
وما ودي اجرح من جرحني بصبعي
انا يكفيني من الحب القليل
وانسان صادق في محبتنا يعي
