بوابة العرب اليوم
أنا حاسس إنى بعيد جدا
عن شئ جوايا وبتمناه
عن شئ من غيره بعيش ميت
ومعاه الموت يقلب بحياه
إنى أصلى الفجر جماعه
وأقضى حياتى فى ذكر وطاعه
وأدعى ربى يرضى عليا
وأترجاه
إنى أكون دايما فى رحابه
وإنى أفضل واقف على بابه
والقلب يحس إنه فى جنه
وما حسش يوم إن أنا مخنوق
وأشوف الدنيا فى عنيه
على حقيقتها وأفهم وأفوق
وأعرف إن الشئ الفانى
مفيهوش متعه
ومخافش على شئ فى إديه
لو راح أو جه
يا رب تكون أجمل متعه
فى حياتى مع القران
واجعل ذكرك جوا فى قلبى
أنا بس بذكرك انسان
