بوابة العرب اليوم
حبيبي يا طليق الشعركتبت القـاف والمـوال
حلمت بقصر واسوارك وحكاوي ليل تسبينا…
حبيبي خلّك اقريّب على عمري ابيك اظلال
ترد الشـوق من ســابق سحابة خير تحـيينا..
حبيبي ليلة البــــارح حلمتك فارسي وخيّال..
وصرت اترقّـب الماضي يقلب نظرته فينــــا…
حبيبي والصعــب ممكن بديت بحبنا اختال..
وايدي تمســـك بيّدك ونار الشـوق تكويــنا…
كتبت الشعــر من بحرك واشكل كلمتك تمثال
على لــــوحٍ عتيقٍ فيه رسمنا نقــش حرفينا
تغيرنا مع التـــاريخ ولكن عدت على كل حال
يازين الوقت في وصلك صفا وزانت هقاوينا
حبيبي يا هلال الفطــر بعداشهر صيام طوال
حسافه عمرنا اللي ضاع بفرقى دوم تشقينا..
ب نبعك ناخت نياقي عقب ما طوّل الترحال
الا يــــا اللـــه يا قـــادر تحقق لي امانينـــــا..
