بوابة العرب اليوم
الحزن يعني …..وبعض احيان مايعني
…….والجرح ضيف سكن بي والحشا بيته
القاف ارضي….يوم ان الهم زارعني
…..والشعر بوح…شربني يوم الشوق ظميته
سهرت ليلي وكف الصبح يصفعني
…..كني بصمتي جرحته يوم/ن ناديته
ياما تمنيت في قربك ولوعني
…….قلت اتحلم ببعدك لو عانيته
يلعن ابو الحلم بس الحين طاوعني؟؟
…..لو ادري انه بيصدقني كان صحيته
مانته لحالك عشان تقول بايعني
…. كثير كسرت ذراعي وانا لك مديته
اكذب البعد ……لين الهم يقنعني
……كني علي كثر ماذكرني تناسيته
قبل نتفارق وتنسي جرحي اسمعني:
……وش فايدة كل جرح فيني خليته
اضيع من الله وطاري البعد ضيعني
……تبي قلبي طالع وين بظنك وديته
ياكبر ظلمك تسافر وماتودعني
……ماكنك اللي ذبحني لين حبيته
كم قلتلك يا آدمي بعدك يروعني
…….وياكم جرح يجيني ما تحريته
اذكرني اليا نثرك الشوق واجمعني
…..واذكرني اليا حضنك اسمي ضميته
واذكرني اليا ذكرت الدمع قطعني
……وان مر بخاطرك رقمي ودقيته
مع السلامه وقبل تسافر اسمعني:
……تبقي اكثر انسان بكاني وحبيته
