بوابة العرب اليوم
ليل الغيآب اللي سرابي ولا رآف
أخذ قصيدي والدموع المهلّه
يَ صاحبي من غبت عني وأنا جاف
مع كل خلق الله ردودي مملّه
ماهوب حقٍ لا ولا هوب إنصاف
اللي فعلته فعل ناس مضلّه
وشلون تتركني مع الليل والقاف
ووشلون تترك حاجبي ماتفلّه
ابعترف لك إني انسان خواف
أخاف من دربٍ عيوني تظلّه
وأخاف وحدي فالشتاء دون ملحاف
وأخاف أطالع في غرآمك وأملّه
أخاف أحب انسان ماهوب شفاف
ويكون من ناس كذا مستغلّه
لكن حسافة وقتي اللي معك طاف
وحسافته حبٍ ماهو في محلّه
حبيتك بقلبٍ تعاطاك بـ اسراف
وعوّضت كل احساس فيني بـ علّه
يَ ليت قلبي ما شعر بك ولاشاف
ولا عشقك وجاب عشقك مذلّه
لاعاد ترجع شف ترى خاطري عاف
أقولـها للقــاف وأقـــــــول قـلّه
وليل الغياب اللي سرابي ولا راف
حلال من دونك له القلب كله
