بوابة العرب اليوم
وحشتني راحة البال
لما كنت عيل من العيال
كنت باكل والعب ونام
ومزاجي فل وعال العال
كانت أكبر مشكلة عندي
اصحي من نومي بدري
علشان اروح مدرستي
كنت ساعات بعمل تعبان
وإني مش قادر اروح في أي مكان
وفي الحقيقة بكون كداب
وخايف من الأستاذ علشان مكتبتش
واجب العربي ولا الحساب
ضيعت وقتي مابين لعب كورة
وكابتن ماجد وسبايدر مان
واروح انام وناوي أمثل دور التعبان
واهرب من أستاذ عمران
الي بيضرب وبيذنب علي الجدران
ماما كانت فهماني
كنت بزهقها في صحياني
وبتوجع اه ياني
وتزعقلي قوم ياالعباني
اعمل وجبك ماتسبهوش تاني
خلاص اللعبة بانت
ومافيش مفر من العقاب
اروح مدرستي بعد فشلي في التمثيل
واضرب من أستاذ عمران واتذنب علي الجدران
اعيط شويه وبعدها عادي
متخيل الإجازة قصادي
وكلها أيام والعب براحتي
ومافيش واجب ولا صحيان ولا أستاذ عمران
ومزاجي عال العال
ناجح في الامتحان
فينك ياايام زمان وحشتيني
