بوابة العرب اليوم
حكاية حب.
حكاية بنت زى كل بنت عايزه تحب وتتحب
قبلته هويته ومن قلبى بجد حبيته
عشت معاه احلى سنين فى هواه
حلمت بالجنه فى قربه جوه حضنه
عشت حلم جميل مع القمر وسهر الليل
بناجيه واحلم بيه واسكر من طيفه وقت ما عينى تشوفه
هويت بجد كان كل آملى العشق والحب
وفى يوم صحيت وفوقت
وبعنيا لخيانته شوفت
انهرت ودموعى صرخت والنار جوه ضلوعى ولعت
انا ايه ذنبى حبى ولا وفا قلبى لعشقى
وبكل قوتى وقفت ولغدره غدرت
ولخيانته خنت ..ودموعى نزلت وندمت
كنت فاكره أنى برد الاهانه بالغدر والخيانه
زى ماهو خان وقلبى عليه هان
ولقيت نفسى فى دوامه من العذاب والملامه
وصحيت من غفلة الأنتقام مش هاخون نفسى مهما كان
عشان اى انسان خاين ملوش آمان
هجدد عهدى مع روحى وقلبى
واعيش مع نفسى فى سلام وآمان
بدون غدر وانتقام
هعشق الحياه ونسيم الهوى ونداه
ونبض جديد للقلب والوريد
وبلون الورد تكون الحياة فى حبك ياالله
