بوابة العرب اليوم
أنت مين فيك حاجه متغيره زى السنين
هو أنت أنت وﻻ أنت مين
وﻻ أنت شبح خيال لحب دورت عليه كتير
وﻻ أنت قناع ضاع مع الضايعين
أنت مين …..؟
اتخدعت فيك اثرتنى دموع عنيك …قلبك دق ليك
وعشت معاك سنين دلوقتى أنت مين
حقيقه وﻻ خيال وهم وظلال وﻻ كدبه ومحال
هو أنت مين……..؟
مصدومه فيك ابوه مجروحه بايديك
هو أنت مين وﻻ أنا اللى مكنتش شايفه تايهه مش عارفه
إنسان غريب مش عرفاه بدور على كلام اعتبك
مش لقيه كلام لسانى ينطق بيه
هو أنت أنت بجد وﻻ أنت مين……..؟
امانه لما تشوف حبيبى سلم عليه وقوله قلبى مستنيه
وقوله مايزعلش انى كلمتك هو صحيح مش من طينتك
بس أنت الوحيد اللى ممكن تانى تلاقيه
