بوابة العرب اليوم
ياصياد القلوب ارحم ما تظلمش
أنا قلب مكسور من جرحه مابينمش
أنا مولد ع دموع الورد وشوكه مارحمش
ياصياد القلوب ارحم ما تظلمش
بنعي الصبر وأغني مواله
واكتب على اتباعه ودموعه وآهاااااته
سألت الصبر عن مفتاحه
قالى ماتسألش دور ف دموعي وافراحي
دورت لقيت دموع وجروح مايتعدوش
قلب حزين مجروح بيرقص رقصة المدبوح
بهفة ريح راح وراحت أيامه
ومجروحين تانين عايشين تايهين
لا هم صاحين ولا نايمين
ياصياد القلوب ارحم ما تظلمش
شوفلك صيد تاني أنا قلبي عليل بأحزاني
قسي قلبى ع اللى قساني
من جفاهم ورضاهم حيروني وسهروني
ويوم مايرجعوا مش هيلاقوني
فرحة عمرى وليلى وشموعه
ودمعة قلبى وشجونه
كانت ليهم واشهدي يا ليالي
ياصياد القلوب شوفلك صيد تاني
أنا قلبي عليل باحزاني
سبني اقاسي المر وأغني موالي
وابكي على حالي وأقول الدموع قسمه ومكتوبالي
