بوابة العرب اليوم
مابين طيف الاماني يستكن الغياب
_________في وقت عاشق مفارق منتظر غايبه
وش حيلة الي ينادي مهرته للعتاب
__________عسى توقف دموعه حرقت حاجبه
سهاد ليلي يحرك في خفوقي عذاب
__________ساعه يخطط وساعه يفتكر صاحبه
وين الامل في ليالي ماتجيب الصواب
__________ ماجابت الا المواجع فوقنا ساكبه
لحضه تعانق مرادي والبقيه ذهاب
__________ وايام فيها الاماني وصلها كاذبه
توقف معاني عميقه عند هجر الجواب
__________وتوقف أرقام نبضي خارج الحاسبه
من حبها حبر دمي مات فيها وذاب
_________ حتى عجز من يحدد موجبه سالبه
ماكنت احسب لعمري قبلها من حساب
___________ كلا ولاكنت اعبر شخص واعتبه
حشيمة الاصل خلت من حياتي سراب
___________وتأقلمت في حنايا روح متراكبه
حسيبك الشوق كافي وجعتي والعقاب
__________ وحسبي الصبر أوجه غايبه غاضبه
