بوابة العرب اليوم
قصايد متنطورة..
………………..
خﻻص بعدنا وكل اللى بنا يادوب شوية قصايد متنطورة
بحروفها حكينا وبنينا حياتنا فيها وكانت منورة
كانت أمال وشويه خيال وزهور جميله متلونه
فرح وسعادة والحب زياده فيه وقلوبنا كانت مورده
صباح جديد ومش عنيد ده كان بسمه رقيقه منديه
تفتح قلوب والحب يدوب كل الثلوج اللي كانت متجمده
وقصايد كمان كانت حنان وحب ومشاعر متهندمه
ومين اللي قال أنك خيال دانت حقيقيه متبينة
فارشلي طريق الحب بإيديك وحلم من زمان صدقته أنا
ود وامان ومن زمان وقولنا خﻻص مافيش بعد الحب ده كده
جتنى تقول ده مش معقول اكون في حياتك واشوف في قلبك كل الحزن ده
دانتى الامان وانتى الحنان عمرى باسمك أكتبه
ودى قصيده طويلة من الحزن مالت
لما الحب ضاعت منه كل حروف الندا
كانت عنيده لما قولت خﻻص ملناش نصيب ف بعضنا
وابكى بصوت واصرخ سكوت وعليك اموت وقلبي
يتوه فى اوجاع جرحنا
والحرف زاد بحروف بعاد وخﻻفنا قدنا ناره بايدينا كان ده حكمنا
انك تغيب وكمان تجيب قسوة وكﻻم يقتل حبنا
وكمان تزيد مش كفايه دا قلوبنا في الارض متمدده
عشان بغير وانت الحبيب وﻻزم أخاف عليك من ده وده
من أول خلاف منك بخاف تغضب وكأن الحب مهو بقلبنا
واجرى بخوف انى اشوف الظلمه بقسوة هجرنا
ده بالعتاب الثلج ذاب وقلوبنا تعاتب ظلمنا
خليك قريب دا أنت الحبيب تعال نمسح دمعنا….
وهنا قصيده كانت قريبه من قلبي انام واصحى انا علي سطرها
كانت حياة ومن الاله لما قولت بحبك من سنه
كنت بانام واشوف منام يقولي ده بيتوجع هنا
اصحى أوام واجري عليك واقول ان شالله تشوف الهنا
وابكي ليلاتى دانت حياتى وازاى اعيش من غيرك هنا
وعشنا سنين حب وحنين وسفرنا في أحلامنا سوا
وقولت خﻻص عليك هخاف من الهوى لو مرة عدا في حينا
وصوتك اوام يجى بالكﻻم وانك بتتالم باللى باحس بيه انا
افرح ومن الفرحه عينى كانت بتبكى بفرحنا
وقصيده تقول ساعات يكون الشوق واخدني وابقى مستنياك تقولي حبيبتي مشتاقلك انا
وتيجي عليا جري وتقولي سامحيني انا غلطت ف حقك سنة
بعدت فاكر هنساكي يوم واديني مانسيتكيش واهو عدى من العمر المدا
كتبتلك قصائد والقلب فايض من شوقى وحبى وحنينى للؤا
وليكي كنت أحب أقرأهم واشوف بعيونك الهنا
وده كل اللي شوفته وكمان كتابتة
من ساعة معرفنا بعضنا
وكانت بداتى وكمان نهايتى مع شوية قصايد متنطورة
