بوابة العرب اليوم
،،،،،،،،،،،” وش يبي “،،،،،،،،،
نفسي افهم لـــيـــش للخافق تدين
انتَ ياللي فـــي غرورك مستديم
انـــــتَ ياللي همّشت قلب الحنين
لـــــه نكرت الصوت خلّيته ذميم
مــــا وعـدتـــك باللُّقى لكن تزين
دامها الأحوال فـــي يــــد الكريم
الأصول أصول يا جرحي الدّفين
ما تعدّاها ولــــــــــو كنت الغريم
الحياة تـــــــبــــــور محنا دايمين
غير ذات الله ما بــــــاقــــي كريم
أفهمن يا فــــــــرع أصل الطّيبين
القطاعه مابها غـــــيـــــر الجحيم
ما انا المديون انته لـــــــــه مدين
وذا الأنــــا يطالبك بـــــرد الغنيم
تذكر انّـــــــه في سنه امن السّنين
مستدينن خافقه وانــــتــــه الحكيم
حـــانِ وقــــــت الآن وترد الثّمين
دامِ أنّـــــــــــــه مالقى منّك حشيم
بلّغ اللي حــــاويـــــه بين ضلعين
وش يبي مــــن خافقٍ ميّت حطيم
