مصر تحطم الحلم الاسرائيلى ..رحم الله من فهم ؟”تيران وصنا فير”

* خلينا نقول “تيران وصنا فير” جزر سعودية  ” بس تحت حماية مصرية…. علشان  لو قلنا الجزيرتين  مصريتان لوى ذراع علشان  كانوا تحت حمايتنا وإدارتنا  طبقا لفتاوى الجهلة والنشطاء  ..تبقى  السودان  غدا تاخد حلايب علشان كانت تحت أدارتهم  عشرات السنين … ويبقي كده كمان أحنا خالفنا اتفاقية السلام .ومصر تحترم اتفاقياتها .عشان كده لازم تبقي سعودية تحت حماية مصرية .ومن  مصلحة مصر ان تكون سعودية تحت حماية مصرية ..

* تلك” دماغ  الصقور والثعالب “.  لو أصبحت مصرية ترجع القوات الدولية ولازم المنطقة دى تكون خالية  من القوات وتسليح لا يذكر حتي لا تخالف مصر اتفاقية “كامب ديفيد” لذا لزاما ان تكون الجزيرتين سعوديتان تحت حماية مصر .وبذلك يكون قرار السعودية عمل مشروع يربط مصر والسعودية  حق لا دخل لإسرائيل فيه ومصر تعتبر مجرد حامي مش مالك فتصبح مصر ملتزمة بالاتفاقية ولم تخلفها.وأمام العالم كله موقف يحسب لمصر  فنحن لا نغتصب حق احد ولم نستبح لأنفسنا الاستيلاء على حق الغير.

* إنما الأيام دول نداولها بين الناس ..

*أيام “جمال عبد الناصر” كان لازم يقول ان الجزيرتين مصريتان.

* أيام السادات قالوا له خلي الجزيرتين عندك سندا لك فى مواجهة العدو   ذلك أمر حقيقي كان فى حكم المخفي إن الجزيرتين سعوديتان تحت حماية مصرية..

* ركز معايا شوية وخد  منى كلمتين  يمكن تفهم أو تصدم  براحتك 

“بعد ترسيم الحدود ومزايا جزيرتي تيران وصنا فير من حيث الموقع أقدر أقولك إن  مصر والسعودية الآن يتحكمون في الحرب العالمية الثالثة اذا قامت من ذلك المكان مصر تقدر تتحرك علي اعلي مستوي “

* فهمت ولا لسه ما فهمتش؟  لو كنت  لسه مش فاهم ومش مقتنع تقدر تبحث عن معلومات كفاية  بس دور عليها لدى من تثق تماما فى وطنيته وحبه الحقيقي لتراب تلك البلد ومنتظره ردك… ولن تجد من تأتمنه  على تراب بلدك أكثر من جيشك ومخابراتك ورئيسك أبن هذا الجيش .

*يارب تكون رسالتي  وصلت لكم يا أهل مصر أنا منكم وبكم ولكم .  حضراتكم ثروتي وجاهي ومنصبي وحبكم لى  وثقتكم فيه  هم غذائي الروحي

لذلك يستحيل أن أنافق أو أجامل نظام أو رئيس يبيع وطني..وللعلم أنا من أشد المعجبين بكلمات “لطفي بو شناق” ” خدوا المناصب والكراسي  .بس خلوا لي الوطن” علشان كده استميت فى مساندة الرئيس لثقتي التامة فيه وفى جيشنا وصقورنا…ياترى فهمتوا ولا لسه ؟ وليه إسرائيل تلطم  الآن.بعد أن أصبحت مصر قوة  لا يستهان بها …

*حضرات السادة القراء  انتبهوا  لي تماما..”الآن يستعد الأسطول الجنوبي المصري وحاملة الطائرات الميسترال جمال عبد الناصر لاستلام جزيرتي تيران وصنا فير من القوات الدولية

الموجودة عليها بموجب اتفاقية السلام “كامب ديفيد”. وبعد رحيل هذه القوات تصبح الجزيرتين تحت الحماية والإدارة المصرية لمدة خمسة وستون عاما قابلة للتجديد بموجب اتفاقية حماية الجزر مع السعودية….

** كلماتي تلك طبعا لن تعجب الرعاع وباعة الوطن المتاجرين بأن الجزر مصرية 

‏  مثلما كانت فى اتفاقية كامب ديفيد والتي تنص على إن  الحماية تكون دوليه مش مصريه ؟

‏ * لأن لهم أجندات ومصالح الصهيونية  ألا تكون الجزر سعوديه وتحت الحماية المصرية طول العمر. لأن الحماية المصرية ..تعنى السيطرة الكاملة  ومحدش هيعدى من الخليج إلا بأمر مصر

‏ و مفيش سفينة إسرائيليه تدخل إلا لما يتم تفتيشها تماما .يعنى مصر تحافظ على أمنها القومي المصري.. كما أن مصر تحطم الحلم الاسرائيلى ….ياسادة… لمن لم يتابع الحدث عالميا  ..

* جاء تعليق التليفزيون الإسرائيلي إن اتفاقية ترسيم الحدود بين مصر والسعودية منافية لاتفاقية السلام ” كامب ديفيد ” المبرمة بين القاهرة وتل أبيب .ولن نسمح بتجاوز عسكري بتلك الجزر فهي منطقة تتبع القوات الدولية..

= ووجدنا صحف إسرائيلية تتهم نتنياهو بالفشل لعدم نجاحة في إفشال هذه الاتفاقية .

= كما ذكرت صحيفة “يديعوت أحر ونوت” الإسرائيلية  أن المملكة العربية السعودية ومصر اتفقتا على ترسيم الحدود البحرية  ووضع الجزر المتواجدة في مضيق تيران تحت السيطرة السعودية بشكل رسمي.وقالت الصحيفة الإسرائيلية إن الآثار المترتبة على اتفاق ترسيم الحدود مع السعودية ستجعل العلاقات بين إسرائيل ومصر والملاحة الإسرائيلية غير واضحة  وستؤثر سلبا على العلاقات بين البلدين.وأضافت “يديعوت أحر ونوت” إن الحدود السعودية تشمل الآن جزيرتي “تيران وصنا فير” القريبة من مصب خليج إيلات الإسرائيلي وإقامة جسر برى يربط بين مصر والمملكة يضرب ميناء إيلات تجاريًا .. ويعتبر بمثابة إعلان حرب من العرب علي إسرائيل .

= جاء أول رد فعل إسرائيلي على تسليم مصر جزيرتي صنا فير وتيران للسعودية : “إسرائيل تعلن رفضها للاتفاقية وتعتبر بناء جسر الملك سلمان بمثابة إعلان حرب على إسرائيل”

* تعليقى على الخبر :

أظن كده عرفنا حقيقة  النشطاء اللي رافضين الاتفاقية كانوا يعملوا لصالح مين ؟؟

استغلوا حب المصريين لأرضهم و أشعلوا فتنة تيران و صنا فير

كده لازم نثق أن الرئيس “السيسى”  ضرب إسرائيل فى مقتل بهذه الاتفاقية..

ركز في كلامي أوى ….وشير على أوسع نطاق…وأنسى اللي  هري نفسه واللي مش فاهم دلوقتي يفهم بعدين …واللي مش عايز يفهم انتوا عارفين موقفه وخليه يفضل حمار…

* لسه عايز تقول الجزر مصرية هقولك ماشى ياعم  مصرية ولكن اللي يشوفه الجيش والصقور والرئيس يمشى ومفيش حد يؤتمن أكثر من الجيش والصقور والسيسي  على كل شبر في مصر.

وللحديث بقيه إن كان فى العمر بقيه..مع تحياتي للشرفاء والوطنيين” عاشقة تراب الوطن”