بوابة العرب اليوم
“لحظات عاصفة”
يوم شفته لا ملاك ولتا بشر
فز قلبي وانفجر مني الشعور
ماقدرت اني أخبي وانتظر
قلت له ياهيه ممنوع المرور
خلك بحدي ولاتكمل سفر
وخذ خفوقي واحجزه برسم العبور
ولا تخليني أموت من القهر
العمر دونك ترى صحرا وبور
قول وش تبغى ترى تامر أمر
وخل في فلكي انا بدرك يدور
قال لي استعجلت مع كل الشكر
فاتنك مخطوب من عدة شهور
وهاذ كرت العرس لاتبغى تحضر
صالتي وباكر ترى افراح وسرور
قلت له ياهيه اعذرني عذر
والله يبارك عسى عمرك زهور
لكن اترجاك لا صار الهجر
بينك وبينه تعاود لي وتحور
قال لي كل شي في حكم القدر
مير وخر واسمحن لي بالمرور
