بوابة العرب اليوم
يا يوم ميلادى
يا أول دقه فى فؤادى
سمت بالهادى
ونزلت تصرخ
ف الدنياااااادى
وتناااااااااااااااااااادى
ولا تعلم ليه ؟؟
ولا فين ولا ايه ؟؟؟
ولا امتى ميعاااااااااادى ؟؟؟
مع الفرح مع الجرح
المجهول مش عااااااااااادى !!!!
وبدأت روحى تسرى
من وادى لوادى
شريان الدم يجرى
ف العود الناااااااااادى
و .. أحبى ى ى ى .. و أمشى .. و أنط
والدنيا تشيل وتحط
حريه وكبت .. هرى ونكت
وحب وغلب .. وشمع ودمع
وقسمه وضرب ..وطرح وجمع
وغربه تاخدنى لغربه
ورحله ترجعنى لبلااااادى
وحاله صعبه لحاله صعبه
يحلالها عن الراحه بعاااااادى
وكله محصل بعضه يا عمرى
وبقيت كام دلوقتى يا عمرى ؟؟؟؟؟
رحله غريبه مريبه ولله أمرى
رحله رهيبه عجيبه
مهما تطول راح تخلص بدرى
بين طلعة شمسى ومرواح قمرى
حليلك يا همومى تتماااااااااااااادى
ولولا ضحكى وابتسامى وسهرى
واحلامى على ضهر جوادى
ما كان وصلنى الصبر للسناااادى
ابقى بينكم واحده منكم
صامده وجامده والحب زاااااادى
يااااااااااااااا يا يوم ميلادى
