بوابة العرب اليوم
جواب ___________
من ابعد طرف ف حبل الشوق
م الناحيه الدايبه فى كبد الطوق
ولقلب محسش طعم شروق
طول عمره بيدى لكن مسروق
من دنيا معاكسه الهوا _نسياه
بتشيب قلبه فى عز صباه
وتبعتر حلمه فى يوم ما لاقاه
بتموت فيه__ والاسم حياه
الاسم حيااااااااااااااااه
ملحوظه ______وبتأكد تانى
إنى انا مش مجانى عليه جانى
وانى أنا باش مجرم وانانى
وشبح طمعان
فى الفرحه اللى مهش حسانى
والدنيا اللى مهش سيعانى
سعادتها تزيد لما بعانى
وبتزرع شوكها وتهمانى
وبتصرخ اااااااااااااااااااااه
واخيرا والحاله فريده
تصرخ م الظلم التجعيده
وبتحلف وبكام تنهيده
املا فى الله
ياصوت الحق يامسحر
معانى الكلمه صحيها
وفوق جدرنها دى تحفر
عيون طاهره ها ترويها
تخضر صحرا عاشت بور
وتزرع فكرتك فيها
تلالى سنابل الاحساس
يفوح عطرك يلاغيها
تحايل فجر جاى بالخير
وتعلى مدنتك بيها
تصوم الدنيا عن خوفها
وتفطر فرحه تأويها
وتدعى دعوة المظلوم
تفتح جنتك ليها
وتهدى نفس قلقانه
بكلمه تراضى معانيها
