بوابة العرب اليوم
كتبت كلمه ف وصفك
والغريب
لأول مرة
مخدنيش الفضول
حتي اني أعرف اسمك
…
بسم الجمال والكمال
وأول معصية مع أول انسان
(أدم عليه السلام)
بسم الجمال ف البدايه
بسم البداية ف كلمتين
جنه ونار وملكين
بينهم حكم ودين
قلوب بتستكين
وقلوب بتستهين
تايهه بينا الدروب ولا احنا اللي توهناها
مش مهم
مهي تايهه ف الحالتين
………
بسم الخضرة لما تدبل
و الذنوب لما تتقل
بسم الثواني والدقايق
والحقيقه اللي بتضايق
بسم الشمس والأمل
من جديد
بعد ماتفارق
……….
بسم الدروب والأماكن
والمدينة واللي ساكن
بسم الحروف واللسان
واللي عايش عاللي كان
اللي كتير منا بسببها
عاش شبه ميت
فيه النبض لكنه
دايما قلقان
بسم الحنين والدموع
وفكر مستسلم
لطريق الرجوع
جواك زحمة كلمات
تطلع بيها بورقة عن البدايات
مليانه بطوله وحكايات
قال يعني الواد مواكب
كلام علي ورق من مفيش
بس بتوهم نفسك انك تعيش
وأنا الارهابي ف حق نفسي
مش هلوم غيرها
خالصه القصه لكني برجع
وزوم تاني بيعاني ف تفاصيلها
كل اللي فات كان انتي
ايوه كنتي ف كل شئ
كنتي الشمس والامل
وكنت زوج محتمل
كنتي الليل
والوقت
كنتي هدف برئ جدا
وكنت معاكي عاصي
مش بالأمر المستحيل
أكون كارهك وليكي وجود
بيفرض نفسه حتي يسيل
علي نفسي وعالمبدأ
قاتلني سكوتي بوجودك
كأنك جاية بقيودك
وتمشي يصرخ فيا الصوت
بيعاني ف حضورك سكوت
فيكي من الشعور لكن
يمكن أنا اللي محركتوش
يجوز الحبر عالورق باهت
كان في حل تاني والله
لما هي الايد
بتملك قلم واتنين
والأول عالورق معلمش
التاني كان ممكن
ولا هي خدودك وردايه ماتستحملش
خليني اكون صادق الخيار التاني
وقتها عالبال مخطرش
بس أنا الايد اللي كانت عاصيه
ومبتفهمش أو ممكن تقولو مابتسمحش
كانت شيفاكي ملاك
وان نورك كان بيسحب ف الشعور كأنه حق وامتلاك
وان حضورك كان بيكنس وقتها اي تلفياات
ويزرع خضرة من جديد
كان وكان
كان زمان
بس النهاردة مع انسحابك
كأنك كنتي ف الوجدان مغروزة كما العمدان
ألم انسحاب جذورك وألم التحطيم كمان
كأنه بيت واتهدم
كأنه وكأنه ……….
جايه دلوقت تشعري
قدامك الجدران فالتتأملي
هترممي ولا هتندمي
لما انتي شئ دنيويي
سيباني ليه بيكي أغتوي
ولما انتي مش بتحبيني
سيباني ليه احني جبيني
واطلب ف كل سجدة
فيكي يرضيني
ترضي غرورك
ولا قاصدة تهديني
لا وديني
طب قوليلي فهميني
فكر حاير فيكي
بيقول ( انت مين ؟! )
بصي فوق ف السما
كل نجمه تسردلك قصه
شعور وغياب وأسف
النبل والطيبه والحنين اللي اتخسف
هتقولك مين أناا
عدت سنين وهتعدي
وانتي لسه بتكتشفيني
ضعيف جداا أنا التاني
رسمت طموحي فيكي انتي
واستنيتك تحققيه
استنيتك تلونيه
حاجتي كانت عند ربنا … ازاي سألتك انتي عنها
سامحيني
سامحيني لكلامي عن البدايات
دي كانت أخر سقرة لقلب اتألم لحد ما مات
